Zergatik aukeratu CTV?
Kokapen estrategikoa
Bimodalitatea
Zerbitzuak

Ingurune industriala

Hurbiltasuna



Gasteizko Garraio Zentroa dago Gasteizko erdialdetik 3 kilometrora eta estatuko errepide-bidegurutze nagusiarekin (A-68, A-1, N-1 eta N-240) zuzenki lotuta dagoen saihesbidetik 500 metrora. Halaber, Renfe-ko karga-terminala, CTVrekin fisikoki lotuta dagoena, Madril-Irun trenbide-ardatzean kokatuta dago eta "euskal Y" deritzonaren geroko lotunea izango da.

Forondako aireportua (Iberiar Penintsulako hirugarren karga-aireportua) CTVtik 4 kilometrora dago, eta CTVrekin aipatutako autobiaren bitartez lotuta dago.

Gasteizko Garraio Zentroak Iberiar Penintsularen iparraldeko sare intermodala osatzen du garraioaren eta karga orokorrari edo produktu zehatzei aplikatutako logistikaren beharrei erantzuna emateko duen ahalmenari esker.

Azkenik, CTV Bilboko portutik gertu dago, eta horrek ahalbidetzen du CTVn kokatutako enpresek salgaiei dagozkien izapideak garraio txartel bakarra erabiliz egin ditzaten.

Gainera, CTV ingurune industrial baten erdi-erdian kokaturik dago; bertan daude, besteak beste, automobilgintza, siderurgia, kontsumo handiko eta aeronautika sektoretako enpresa garrantzitsuak. Beraz, CTVn kokaturik dagoen edozein enpresa bere merkatuaren atarian dago.